Friday, October 17, 2014

Samajgrast

Yeh gol duniya

Gol iske vichar
Vibhinn aachar vichar
Jabki jine ke din hai char

Boli anek aur anek hai bol
Bolte kuch hai par niyat hai gol
Yeh duniyadari muje samajh nahi aati
Insaan ki insaaniyat muje samajh nahi aati

Kehte hai sab, “soch samajh kar bolo”
Unke vicharo ko khudse hi tolo.
Arey! Unke vichar toh unka kaam hai!
Is shor me khote hum apne vichar hai.

Kuch vichar aawaaz hai
Zimmedari ka aaghaaz hai
Par laparvah alhad umr
Dostana ladakpan me guma hai

Iss shor me kidhar dil ko kholu?
Kidhar tolu kidhar bolu?
Yeh duniyadari muje samajh nahi aati
Insaan ki insaaniyat muje samajh nahi aati

Apna kya paraya kya?
Galat kya aur sahi kya?
Sabke apne maayine hai
Hamare hi diye hue paribhashaye hai.

Zinda ki fikr nahi par murde ki puja hai.
Janta ko sahi lagta kisika dhakhosla hai
Zindagi me jitna nahi par kisi aur ko harana hai.
Kisike jivan par tippani aur khud ke raaz ko chupana hai.

Ghar toh saf hai par dil me bhara mail hai.
Kal ki fikr me aaj bana bana dher hai.
Yeh kaisi sachchai muje samajh nahi aati.
Yeh duniyadari muje samajh nahi aati.
Insaan ki insaaniyat muje samajh nahi aati.

Ma baap ki parvarish alag
Duniya ke taur tarike alag
Jine ka nazariya tha saral
Aaj maine hai kuch alag

Reeti rivaz ke naam par
Hoti bematlab ki baate hai
Logo ki aalochana me
Kat ti bechain raate hai

Main hu na pehli hu na main aakhri
Iss uljhi paheli ko jo hai takti
Sadiyon purane nazariye logo ko hai baant ti
Mujh jaise samajgrast ko tukdon me hai kaat ti.

Yeh kaisi samajh muje samajh nahi aati
Yeh duniya ki duniyadari muje samajh nahi aati
Insaan ki insaaniyat muje samajh nahi aati.



No comments:

Post a Comment